Wika ng Pagkakaisa

 WIKA NG PAGKAKAISA

“Ang hindi  marunong magmahal sa sariling wika ay higit pa sa malansang isda.” Ito ang binaggit ni Rizal. Dapat yakapin natin ang sarili nating wika.  Dapat gamitin at huwag ikahiya ang ating wika. Ang wika ay ang susi ng tagumpay ng ating bansa, ito ang magiging dahilan ng ating pagpadg-unlad  ng ating bansa. “Pilino Ako, Filipino ang wika. Wika ko, Mamahalin ko ng Buong Puso.”

Bilang bigay galang sa Ama ng Wika na Manuel L. Quezon ipinagdiriwang ang Buwan ng Wika. Buong buwan ng Agosto ipinagdiriwang natin ito. Sa mga paaralan gaya ng Ilocos Sur National High School mayroon silang paligsahan na konektado sa pagdiriwang na ito. Sila ay nakikiisa sa pagdiriwang na ito. Ibinibida nito ang kahalagahan ng paggamit ng Wikang Filipino.

Mahalagang gamitin ang sariling wika. Dapat malaman o matutunan natin ang wikang ito. Saan man tayo magpunta kinakailangan alam natin ang wikang ito upang hindi tayo maligaw. Ito rin ang ginagamit ng mga taong nasa taas o nasa posisyon upang maintindihan ng nakararami ang sinasabi nila. Sa Luzon, sa Visayas, at sa Mindanao o saan mang dako ng mundo na mayroong Pilipino ito ay ginagamit nila upang sila’y magkaintindihan sa mga sinasabi nila. Ito rin ang kadalasang ginagamit ng mga tao upang makahanap ng trabaho.

Ang Wikang Filipino ay nagsisimbolo ng pagkakaisa. Kung alam mong gamitin ang wikang ito magkakaintindihan kayo ng kausap mo at makakapagbahagi kayo ng sarili niyong opinyon.